محاكمة دماء مجهولة

س:اسمك؟
ج:بقعة من بركة دم كان سايح

س:سنك؟
ج:عمري من عمر الزهور قبل متتحرق الجناين وتتهدم القصور.

س:ديانتك؟
ج:مسيحي مسلم عابد عاصي مش مهم أنا المصري ع كل حال.

س:عنوانك؟
ج:سكنت زمان جسم لولد ف عمر الزهور.. كان الولد عايش ..هلكان ..زهقان مللان ..عايش تايه ف الأرض مش لاقيله مكان ...ناسي الزمان ..
عاش ساكت وقت الكلام ..متكلم وقت السكات..
لا فاهم الفرق بين الموت ولا بين الحياة..تفتكره عايش وهو فاقد الحياة.

كان نايم طول العمر ويوم مفكر يصحى يسأل هو أنا مين؟ فين ؟إزاي ؟وعشان ايه أنا عايش؟ وعشان إيه انا أموت؟....سكت صوته..وارتفع صوت الرصاص ..صابت رصاصه قلب الصبي الأخضر من غير معاد ..ولأول مرة حاول يرفع الصوت كان صوته ...صمت وسط دوي الرصاص...كان صوته صوت الموت..سال دمه ع أرض ..داس دمه من بالأرض .اختلطت دماه بدماء كل القلوب الخضر وسالت لا تعرف فيها ولد ولا صبي ولا فتاه ..لا تعرف منها دماء مسلم ولا مسيحي ولا بلا دين..كانت دماه سايلة ع أرض البلد.

آآآه يابلد فلت فيها الزمام ..
آآه يابلد راح فيها الولد ..بلا تمن وفيها عدل من غير ميزان..
آآه يابلد فيها الكلاب تعوي ..والقصور تبني..
آآه يابلد فيكي الولد يعيش يهري ويموت مهري ..
آآه يابلد عاش أهلك ميتين ..وماتو فيكي العايشين..وكمان باعو الجثث..
آآه يابلد فلت فيها الزمام ..ملقيتي ليكي رابط ولا حاكم للميزان..
آآه يابلد العايش فيكي محارب..والهارب منك حزين..ومقلوبة فيكي كل الموازين..
آآه يابلد معاندة أهلها ..ومش عارفة شمسها..يطلع النور تغمض العيون..يختفي النهار كل العيون شايفة..خفافيش وسط الظلام دايسة ولشمسها حايشة ..اتعود أهلك النسيان ..ولا أبدأ بطلوا هذيان..الكل ماشي بيكلم نفسه ..ولا حد أصلا فاهم نفسه..
آآه يابلد البعد عنك صعب ..والقرب منك أصعب..
آآه يابلد تاعبة اللي ساكت واللي كان ف القلب شايل هم الكلام..
آآه يابلد اللي عايش فيكي مركب بلا مرسى..واللي خارج منك مركبة مش راح تلاقي ترسى..ف كل أحوالك عجايب..لا انت عارفة قيمة الولد..ولا انت قادرة تعرفي قيمة أحد.

ع كل حال لازم نقول رغم الآآآهات منك يابلد بنحبك وعارفين سكتك ما احنا الولد لو رحنا عمرك ما هتكوني البلد!!

قيل من أحد الفلاسفة لأحد المتسكعين ف الأرض:
"إن لم تجد ماتفعل ف دنياك..فامسك معولا واحفر قبرك ..لربما تكون قد فعلت شيئا"

ياريت نقدر نغير حاجة ..
يمكن ف يوم يصحى الولاد يلاقو بلد تشد الهمم.. تبني وتزرع ف القلوب حب الحياة ..يحكو ف يوم إنه زمان كان الطغاة من غير عدد..طلعو عليهم الولاد بكل العدد ..هزموالطغاة ..عدلوا الميزان..وعاشت بلادي فوق جباه كل الأمم.

الله على الكلام الابيات بتتكلم و بتعبر بدون كلام الدم لما يسيل بيقتل كل شئ جمل فى الحياة ويقتل كل شئ جميل بين الناس ...الله ينور عليكى و مشكورة على الكلمات الجميله المعبرة دى و فى انتظار المزيد .

كلام من كيان مكبوت متبوح من ظلم ظالم مستبد
كلام من بركان بيصرخ أاااااه فين حق الشهيد
كلام من صوت مصرى بيصرخ هلكان
..زهقان .. تايه ما لى مكان لكن بحبك ياوطن ..

واللـــــــــــــــــــــــــــــــــه بحبك يا وطني بخلاف كل الأوطان

حين يضيع المرا وجهته و يتوه وسط الالام وطنه تفيض دموعه  دموع ويذهب في طريق دون ان يفكر برجوع فما من شيء وراء  هذا سوى عشق ممنوع